path: root/yiddishwits

ווערטער זאָל מען װעגן און ניט צײלן.
%
זײַן וואָרט זאָל זײַן אַ שטעקן, וואָלט מען זיך ניט געטאָרט אָנשפּאַרן.
%
זײַן וואָרט זאָל זײַן אַ בריק, וואָלט איך מורא געהאַט אַריבערצוגיין.
%
קײנער זעט ניט זײַן אײגענעם הױקער.
%
קיינער ווייס ניט וועמען דער שוך קוועטשט, נאָר דער וואָס גייט אין אים.
%
יעדער מענטש האָט זיך זײַן פּעקל.
%
צרות זײַנען פֿאַר דעם מענטשן ווי זשאַווער פֿאַר אײַזן.
%
אַ מענטש איז אַ מאָל שטאַרקער פֿון אײַזן און אַ מאָל שוואַכער פֿון אַ פֿליג.
%
אין אַ שיינעם עפּל געפֿינט מען אַ מאָל אַ וואָרעם.
%
אַז דער וואָרעם זיצט אין כריין, מיינט ער אַז עס איז קיין זיסערס ניטאָ.
%
אױב די באָבע װאָלט געהאַט אַ באָרד, װאָלט זי געװען אַ זײדע.
%
אױב די באָבע װאָלט געהאַט רעדער, װאָלט זי געװען אַ װאָגן.
%
די קאַץ זאָל לײגן אײער, װאָלט זי געװען אַ הון.
%
אַ ציג האָט אויך אַ באָרד און איז פֿאָרט נאָר אַ ציג.
%
טו אָן אַ חזיר אַ שטרײַמל, וועט ער ווערן רבֿ?
%
וײַז אַ חזיר אַ פֿינגער וויל ער די גאַנצע האַנט.
%
אַז מען גיט דעם טײַוול אַ האָר וויל ער די גאַנצע באָרד‫.‬
%
לאָז אַרײַן אַ חזיר אין שטוב, קריכט ער אויפֿן טיש.
%
‎אַ ייִד האָט אַכט און צוואַנציק פּראָצענט פּחד, צוויי פּראָצענט צוקער און זיבעציק פּראָצענט חוצפּה.
%
אַ הונט שיקט מען ניט אין יאַטקע אַרײַן.
%
שטעק ניט דעם קאָפּ צום וואָלף אין מויל אַרײַן.
%
װאָס קען װערן פֿון די שאָף אַז דער װאָלף איז דער ריכטער?
%
מיט אַ לעפֿל קען מען דעם ים ניט אויסשעפּן.
%
מיט איין תּחת קען מען ניט טאַנצן אויף צוויי חתונות.
%
פֿון אַ חזירשן עק קען מען קיין שטרײַמל ניט מאַכן.
%
בעסער אַ פּאַטש פֿון אַ חכם איידער אַ קוש פֿון אַ נאַר.
%
‎אַז גאָט האָט געטיילט דעם שׂכל ביסטו געשלאָפֿן.
%
ער האָט מער שׂכל אין קליינעם פֿינגער ווי אַן אַנדערער אין קאָפּ.
%
בײַ פֿערד קוקט מען אויף די ציין; בײַ אַ מענטשן אויפֿן שׂכל.
%
וווּ מען דאַרף האָבן מוח העלפֿט ניט קיין כּוח.
%
ער איז אַ שטיק פֿלייש מיט צוויי אויגן.
%
ער קוקט מיט די אויגן, הערט מיט די אויערן, און פֿאַרשטייט ווי די וואַנט.
%
ער ווייס ווי אַ קו פֿון מיטוואָך.
%
עס פֿעלט אים מעבל אין דאַכקאַמער.
%
ער האָט אַזוי פֿיל שׂכל ווי אין קלויסטער מזוּזות.
%
דאָס היטל איז גוט נאָר דער קאָפּ איז צו קלײן.
%
ער קלערט צי אַ פֿלױ האָט אַ פּופּיק.
%
ער קלערט ווי די וועלט דרייט זיך.
%
ער קלערט וווּ די רויכעס פֿון קוימען קומען אַהין.
%
ער קלערט צי די קוליקאָווער בייגל זענען גרעסער פֿון די לעמבערגער.
%
דאָס גאַנצע יאָר איז זי ליידיק געזעסן און ערבֿ יום–כּיפּור האָט זי אַ זאָק אָנגעהויבן.
%
צאָל אים אָפּ פֿאַר אויסשנײַצן די נאָז.
%
ער קען ניט אַ קאַץ דעם עק פֿאַרבינדן.
%
ער קען קיין צוויי ניט ציילן.
%
ער האָט אַ קאַץ אין קאָפּ (קאַצנקאָפּ).
%
װען ער איז צװײ מאָל אַזױ קלוג, װאָלט ער געװען אַ גולם!
%
דער עולם איז אַ גולם. / דער עולם איז ניט קיין גולם.
%
ער איז אַ מבֿין װי אַ באָק אױף אַ כּלי–זמר.
%
די אייער ווילן זײַן קליגער פֿון די הינער.
%
צוויי קלוגע קענען ניט שטימען.
%
דער שׂכל איז אַ קריכער.
%
ביז זיבעציק יאָר לערנט מען שׂכל און מען שטאַרבט אַ נאַר.
%
אַז מען וויל ניט אַלט ווערן, זאָל מען זיך יונגערהייט אויפֿהענגען.
%
די פּען שיסט ערגער פֿון אַ פֿײַל.
%
דער טײַוול איז ניט אַזוי שוואַרץ ווי מען מאָלט אים.
%
ער קען מאַכן דעם חלום גרעסער ווי די נאַכט.
%
בײַ נאַכט זענען אַלע קי שוואַרץ.
%
אַ שוואַרצע הון קען אויך לייגן אַ ווײַס איי.
%
דער מענטש טראַכט און גאָט לאַכט.
%
װאָס נאָענטער צו דער שול, אַלץ װײַטער פֿון גאָט.
%
פֿאַר וואָס האָט אָדם און חוה צוגעדעקט די מעשׂה מיט אַ בלאַט ווען קיינער האָט זיי ניט געזען?
%
רשי איז ניט משוגע.
%
ער שווימט אין ים התּלמוד.
%
‎‎דער ים איז אָן אַ ברעג — די תּורה איז אָן אַן עק.
%
ער זאָגט עבֿרי ווי אַ האַק שווימט.
%
קענען תּורה איז ניט קיין שטער צו אַן עבֿירה.
%
בעסער רעדן מיט אַ ייִדענע און טראַכטן וועגן גאָט איידער רעדן מיט גאָט און טראַכטן וועגן אַ ייִדענע.
%
במקום שאין איש איז אַ הערינג אויך אַ פֿיש.
%
נײַן רבנים קענען קײן מנין ניט מאַכן אָבער צען שוסטערס יאָ.
%
די קאַץ איז שוין פֿרימער פֿאַר אים.
%
אַז גאָט וויל שטראָפֿן אַן אַפּיקורס גיט ער אים אַ פֿרום ווײַב.
%
דײַן מזל, גאָט, וואָס דו וווינסט אַזוי הויך; אַניט וואָלט מען דיר די פֿענצטער אויסגעזעצט.
%
תּהילים זאָלֹ זײַן אַ רפֿואה וואָלט מען עס געקויפֿט אין דער אַפּטייק.
%
וועגן אַ ביסל בוימל מאַכט מען אַזאַ גרויסן יום–טובֿ?
%
אַן אָקס האָט אַ לאַנגע צונג און קען קיין שופֿר ניט בלאָזן.
%
אַ בהמה האָט אַ לאַנגע צונג און קען קיין ברכה ניט זאָגן.
%
אַ בהמה האָט אַ לאַנגע צונג און מוז שווײַגן.
%
אַן אייזל דערקענט מען אין די לאַנגע אויערן, אַ נאַר אין דער לאַנגער צונג.
%
אַז מען מאַכט דאָס מויל ניט אויףֿ פֿליט קיין פֿליג ניט אַרײַן.
%
װען דאָס פֿערד װאָלט געהאַט װאָס צו זאָגן, װאָלט עס גערעדט.
%
יעדער אײזל האָט ליב צו הערן װי ער אַלײן הירזשעט.
%
שרײַ ניט, וועסט אויפֿוועקן גאָט!
%
פֿון ליידיקע פֿעסער איז דער ליאַרעם גרעסער.
%
דער גלאָק קלינגט ווײַל ער איז פּוסט.
%
עס קלעפּט זיך ניט אַ וואָרט צו אַ וואָרט.
%
לא דובים ולא יער – ניט קיין בערן און ניט קיין שוואַרצע יאַגדעס.
%
ער זאָגט נאָר צוויי מאָל אין יאָר ליגן – זומער און ווינטער.
%
ער באַקט ליגנס אַזוי ווי בייגל.
%
אויף זײַנע רייד מעג מען בויען אַ קלויסטער.
%
עס שיטן זיך פּערל פֿון זײַן מויל.
%
עס שיט זיך פֿון אים חכמות ווי פֿון אַ ציג באָבקעס.
%
ער שיט מיט תּורה ווי אַ ציג מיט באָבקעס.
%
אַ הונט האָט מורא פֿאַר אַ שטעקן און אַ רוח פֿאַר ציצית.
%
אַ לייב האָט ניט מורא פֿאַר קיין פֿליג.
%
װען די קאַץ שלאָפֿט, טאַנצן די מײַז.
%
אַ בער לערנט מען אויך אויס טאַנצן.
%
אַז דאָס מיידל קען ניט טאַנצן, זאָגט זי אַז די כּלי–זמר קענען ניט שפּילן.
%
אַז די מויד איז מיאוס זאָגט זי, דער שפּיגל איז שולדיק.
%
אַז מען האָט אַ סך צו טאָן, לייגט מען זיך שלאָפֿן.
%
דאָס לעבן איז ניט מער ווי אַ חלום—אָבער וועק מיך ניט אויף.
%
שלאָף גיכער, מען דאַרף די קישן!
%
די צײַט איז דער בעסטער דאָקטער.
%
די צײַט איז טײַערער פֿון געלט.
%
אויב צײַט איז געלט האָב איך קיין צײַט ניט.
%
אַפֿילו דער רײַכסטער זײגער האָט ניט מער װי זעכציק מינוט.
%
אין שלעכטע צײַטן איז אַ פּעני אױך געלט.
%
אויף דרײַ זאַכן שטייט די וועלט: געלט, געלט און געלט.
%
אָן געלט איז קיין וועלט.
%
ייִדיש עשירות איז ווי אַ מאַרצאָווער שניי.
%
דער עושר איז נישט קיין בעל–יושר.
%
ער האָט געלט ווי גרויס ער איז.
%
ווילסט רײַך ווערן?   זײַ זיבן יאָר אַ חזיר.
%
דער קאַרגער ליגט אויף דעם געלט ווי אַ הונט אויפֿן ביין‫.‬
%
מען זאָל זיך קענען אױסקױפֿן פֿון טױט, װאָלטן די אָרעמעלײַט שײן פּרנסה געהאַט.
%
דעם אָרעמאַן האַקט מען ווי שפּענער און דער רײַכער בלאָזט זיך ווי דער סאַמאָוואַר.
%
דעם נגידס נאַרישקײַט גילט מער ווי דעם אָרעמאַנס חכמה.
%
אַז מען איז רײַך איז מען אי שיין אי קלוג אי מען קען זינגען.
%
די זון שײַנט גלײַך אויף אָרעם און רײַך.
%
ער איז ניט ווערט וואָס די זון שײַנט אויף אים.
%
כּבֿוד איז ווי אַ שאָטן: וואָס מער מען לויפֿט אים נאָך, אַלץ ווײַטער אַנטלויפֿט ער.
%
וואָס נוצט כּבֿוד אַז מען האָט ניט צו עסן?
%
אַ נגיד האָט פֿײַנט כּבֿוד ווי אַ קאַץ סמעטענע.
%
ער איז שוין געווען אויפֿן פֿערד און אונטערן פֿערד.
%
עס איז גרינגער אויפֿצוהייבן אַ שיכּור פֿון דער ערד איידער אַ געשעפֿט.
%
זי איז אַ בעל–הביתטע איבער אַ הייפּטל קרויט.
%
ער האָט מער אין קאָפּ ווי אין קעשענע.
%
פֿאַר אָנקוקן צאָלט מען קיין געלט ניט.
%
אַז אַן אָרעמאַן עסט אַ הון, איז אָדער ער קראַנק אָדער די הון.
%
אַ הון איז גוט צו עסן זאַלבענאַנד – איך און די הון.
%
אַלץ קען דער מענטש פֿאַרגעסן נאָר ניט עסן.
%
ער איז כּולו קישקע.
%
ער מיינט ניט די הגדה, נאָר די קניידלעך.
%
נאָר אין חלום זײַנען מערן װי בערן.
%
אַלץ איז ניט פּוטער װאָס קומט אַרױס פֿון דער קו.
%
אַז מען עסט חזיר, זאָל עס שוין רינען איבערן מויל.
%
”אָדם יסודו מעפֿר וסופֿו לעפֿר“— בינו–לבֿינו איז גוט אַ טרונק בראָנפֿן.
%
אַז איך נעם אַ טרונק בראָנפֿן ווער איך אַן אַנדער מענטש, און דער אַנדערער וויל אויך אַ טרונק בראָנפֿן.
%
ער האָט אַ פֿליג אין האַלדז און וויל זי דערטרינקען.
%
ער קען אויסטרינקען אַ ירדן!
%
‎אין אַ גרויסן טײַך כאַפּט מען גרויסע פֿיש.
%
מיט אַ ווענטקע כאַפּט מען פֿיש און מיט אַ קערבל כאַפּט מען מענטשן.
%
‎וואָס אַ ווענטקע פֿאַר פֿיש איז חניפֿה פֿאַר מלכים.
%
אַ נײַער מלך מיט נײַע גזרות, אַ נײַ יאָר מיט נײַע עבֿרות.
%
עס אַרט מיך ווי די קאַץ פֿון מיטוואָך.
%
עס איז ניט מײַן ציג און ניט מײַן חנוכּה–ליכטל.
%
אַ גאַסט איז ווי אַ רעגן.
%
מען אַנטלויפֿן פֿון רעגן, באַגעגנט מען חאָגל.
%
אַז מען שלאָפֿט מיט הינט, שטײט מען אױף מיט פֿלײ.
%
האָדעווע אַ וואָלף ווי לאַנג, קוקט ער אַלץ אין וואַלד אַרײַן.
%
אַז מען זעצט אַ פֿייגעלע אין שטײַגעלע אַרײַן, ווייס מען ניט צי לאַכט עס צי וויינט עס.
%
אויף אַ שלאַנג טאָר מען קיין רחמנות ניט האָבן.
%
אַ דאָקטער טאָר מען ניט װינטשן אַ גוט יאָר.
%
אַז דער קראַנקער גייט צום דאָקטער ווערט דאָס ערשטע געהאָלפֿן דער דאָקטער.
%
דער דאָקטער האָט אַ רפֿואה צו אַלעס, אָבער ניט צום דלות.
%
אַ מאָל איז די רפֿואה ערגער פֿאַר דער מכּה.
%
מען טאָר ניט עסן די חלה פֿאַר דער המוציא.
%
שולדיק איז דער סטאָליער: ווען ער וואָלט ניט געמאַכט די בעט וואָלט איך ניט געקומען צו קיין חטא.
%
עס איז ניטאָ קיין שלעכטע משקה פֿאַר אַ שיכּור, קיין שלעכטע מטבע פֿאַר אַ סוחר, און קיין מיאוסע נקבֿה פֿאַר אַ  נואף.
%
אַ גוטן מענטשן וועט די שענק ניט קאַליע מאַכן, אַ שלעכטן וועט דער בית–המדרש ניט פֿאַרריכטן.
%
צוליב אַמביציע גייט מען פֿון גן–עדן אין גיהנום.
%
אַז דער רשע קוקט אין וואַסער, פּגרן די פֿיש.
%
אויפֿן גנבֿ ברענט דאָס היטל.
%
אויף אַ גנבֿ אין אַ צילינדער ברענט ניט דאָס היטל.
%
קליינע גנבֿים הענגט מען‫,‬ גרויסע שענקט מען.
%
אַ גנבֿ אַרבעט גיכער ווי אַ שנײַדער.
%
וועלכן גנבֿ טשעפּעט מען ניט?<br />דעם וואָס גנבֿעט דעם אַפֿיקומן.
%
אַ מויז איז אַ גנבֿ. / ניט די מויז איז דער גנבֿ, נאָר די לאָך איז דער גנבֿ.
%
אַז אַ גנבֿ האָט ניט וואָס צו גנבֿענען גנבֿעט ער דאָס היטל פֿון זיך אַראָפּ.
%
אַז אַ גנבֿ האָט ניט וואָס צו גנבֿענען גנבֿעט ער פֿון איין קעשענע אין דער צווייטער.
%
פֿון אַ גנבֿ איז שווער צו גנבֿענען.
%
ערבֿ–יום–כּיפּור ווערן אַלע גנבֿים פֿרום.
%
גנבֿים און פֿאַרליבטע האָבן ליב פֿינצטערניש.
%
װען אַ גנבֿ קושט, דאַרף מען זיך די צײן איבערצײלן.
%
זי װיל דאָס טעלערל פֿון הימל.
%
צוליב אַ גלאָז מילך דאַרף מען ניט קויפֿן אַ גאַנצע קו.
%
די קאַץ האָט ליב פֿיש אָבער זי װיל ניט די פֿיס אײַננעצן.
%
אַ קאַץ וואָס מיאַוקעט קען קיין מײַז ניט כאַפּן.
%
אַ הונט וואָס בילט בײַסט ניט.
%
ער סטראַשעט די גענדז אויפן בוידעם.
%
ער שרײַט ווי די ייִדענע אין באָד.
%
דאָס לאַנד ברענט און די באָבע צוואָגט זיך.
%
גאָט קריגט זיך מיטן ווײַב.
%
גאָט שיט אויס די פֿעדערן פֿון דער איבערבעט.
%
זינט גאָט האַנדלט מיט פֿראָסט איז נאָך אַזאַ פֿראָסט ניט געווען.
%
ס'איז אַ שטורעם אין אַ גלאָז וואַסער.
%
ער מאַכט פֿון אַ פֿליג אַ העלפֿאַנד.
%
עס פֿעלט מיר ווי אַ לאָך אין קאָפּ.
%
עס העלפֿט ווי אַ טויטן באַנקעס.
%
דאָ ליגט דער הונט באַגראָבן.
%
ער רײַט אויף צוויי פֿערד.
%
מיר וועלן שיסן צוויי האָזן מיט איין שאָס.
%
ער איז אַנטלאָפֿן וווּ דער שוואַרצער פֿעפֿער וואַקסט.
%
נעם די אויגן אין די הענט.
%
‎דו וועסט עס שוין זען ווי דײַנע אויערן.
%
עס וועט געשען ווען בײַ מיר וועט אויסוואַקסן האָר אויף דער דלאָניע.
%
ווי קומט די קאַץ איבערן וואַסער?
%
מיר זוךן אַ שפּילקע אין אַ וואָגן היי.
%
דער מיטוואָך איז לענגער פֿאַרן דאָנערשטיק.
%
זי וויינט מיט קראָקאָדיל טרערן.
%
זי וויינט מיט ציבעלע–טרערן.
%
איך וועל פֿון אים מאַכן קרעפּלפֿלייש!
%
האַק מיר ניט קיין טשײַניק!
%
דריי מיר ניט קיין קאָפ!
%
גיי זוך דעם פֿאַראַיאָריקן שניי.
%
גיי זוך דעם ווינט אין פֿעלד.
%
ער האָט שפּילקעס אין קאָפּ.
%
ער האָט שפּילקעס אין תּחת.
%
ער האָט אַ מצה–פּנים.
%
וואָס איז דעם אינדיק פֿאַר אַ חילוק צי מען קוילעט אים אויף פּורים צו דער סעודה אָדער אויף פּסח צום סדר?
%
ווען אַ שלימזל קוילעט אַ האָן, גייט ער. דרייט ער אָן אַ זייגער, שטייט ער.
%
אַ שלימזל: גייט ער טאַנצן, צערײַסן זיך בײַ די כּלי–זמרים די סטרונעס.
%
אַ שלימזל פֿאַלט אויפֿן רוקן און צעקלאַפט זיך די נאָז.
%
ווען ער זאָל האַנדלען מיט תּכריכים וואָלט מען אויפֿגעהערט שטאַרבן.
%
ווען ער זאָל האַנדלען מיט ליכט וואָלט די זון ניט אונטערגעגאַנגען.
%
שפּילן די גרילן, טאַנצן די וואַנצן.
%
אַ קו איז געפֿלויגן איבערן דאַך און געלייגט אַן איי.
%
‎ווײַל דאָס לעבל ברויט איז קײַלעכדיק, גייען דערפֿאַר די קאַטשקעס באָרוועס.
%
דעריבער גייען די גענדז באָרוועס און די קאַטשקעס אין רויטע שיכעלעך.
%
דעריבער גייען אַלע קעץ באָרוועס.
%
אַז דער באַרג גייט ניט צו מחמדן, גייט מחמד צום באַרג.
%
עס פאַסט ווי אַ חזיר אַ שטרײַמל.
%
עס פּאַסט ווי אַ חזיר אוירינגלעך.
%
עס פּאַסט ווי דעם הונט אַן אַרבע–כּנפֿות.
%
די פּאַווע זאָל ניט האָבן די שיינע פֿעדערן, וואָלט זיך קיינער אויף איר ניט אומגעקוקט.
%
אַז מען טוט אָן שײן אַ בעזעם, איז ער אױך שײן.
%
װאַקסן זאָלסטו װי אַ ציבעלע מיטן קאָפּ אין דר'ערד!
%
לעבן זאָלסטו ביז הונדערט און צוואַנציק יאָר—מיט אַ הילצערנעם קאָפּ און גלעזערנעם אויגן.
%
זאָלן דײַנע ביינער זיך ברעכן אַזוי אָפֿט ווי די עשׂרת–הדיברות.
%
דער גאָט וואָס האָט געשפּאָלטן דעם ים וועט דיר שפּאַלטן דעם קאָפּ אויך!
%
ווערן זאָל פֿון דיר אַ בלינטשיק און די קאַץ זאָל דיך כאַפּן.
%
דײַן נשמה זאָל אַרײַנגיין אין אַ קאַץ און אַ הונט זאָל איר אַ ביס טאָּן.
%
 עסן זאָלסטו געהאַקטע לעבער מיט ציבעלעס, שמאַלץ הערינג, יויך מיט קניידלעך, קאַרפּ מיט כריין, אײַנגעדעמפֿץ מיט צימעס, לאַטקעס, טיי מיט ציטרין, יעדן טאָג – און זאָלסט זיך מיט יעדן ביס דערשטיקן!
%
לױפֿן זאָלסטו אין בית־הכּסא יעדע דרײַ מינוט אָדער יעדע דרײַ חדשים.
%
אַזוי פֿיל ריצנאייל זאָלסטו אויסטרינקען.
%
‎‎גאָט זאָל דיר העלפֿן ווי אַ טויטן באַנקעס.
%
פֿאַרגעלט און פֿאַרגרינט זאָלסטו ווערן!
%
קריכן זאָלסטו אויפן בויך!
%
וויפֿל יאָר ער איז געגאַנגען אויף די פֿיס זאָל ער גיין אויף די הענט, און די איבעריקע זאָל ער זיך שאַרן אויפֿן הינטן.
%
כ׳וועל מאַכן פֿון דײַנע קישקעס אַ טעלעפֿאָן!
%
זאָל ער אַראָפּשלינגען אַ שירעם און ס'זאָל זיך אים עפֿענען אין בויך!
%
אײַננעמען זאָל ער אַ מיתה–משונה!
%
געשוואָלן און געדראָלן זאָל ער ווערן ווי אַ באַרג.
%
אַ וויסט באַגעגעניש זאָל אים טרעפֿן.
%
איין אומגליק איז פֿאַר אים ווייניק.
%
ימח שמו זאָל ער ווערן!
%
קיין עין–הרע זאָל אים ניט אויסמײַדן!
%
זאַלץ אים אין די אויגן און פֿעפֿער אים אין נאָז!
%
אַ מכּה אים אין האַלדז!
%
דאָס מויל זאָל אים פֿון הינטן שטיין.
%
לאַכן זאָל ער מיט יאַשטשערקעס.
%
דער קאָפּ זאָל אים אַראָפּ!
%
אַלע ציין זאָלן דיר אַרויספֿאַלן, נאָר איינער זאָל דיר בלײַבן אויף צאָנווייטיק.
%
משוגע זאָלסטו ווערן און אַרומלויפֿן איבער די גאַסן.
%
עס זאָל דיר דונערן אין בויך און בליצן אין די הויזן.
%
אַ גרויס געשעפֿט זאָל ער האָבן מיט סחורה: וואָס ער האָט זאָל מען בײַ אים ניט פֿרעגן, און וואָס מען פֿרעגט זאָל ער ניט האָבן.
%
הונדערט הײַזער זאָל ער האָבן, אין יעדער הויז הונדערט צימערן, אין יעדער צימער צוואַנציק בעטן, און קדחת זאַל אים וואַרפֿן פֿון איין בעט אין דער צווייטער.
%
מגולגל זאָל ער װערן אין אַ הענגלײַכטער: בײַ טאָג זאָל ער הענגען און בײַ נאַכט זאָל ער ברענען.
%
איך ווינטש אים די דריטע מכּה פֿון מצרים.
%
גאָט זאָל אױף אים אָנשיקן פֿון די צען מכּות די בעסטע.
%
אַז אַלע קללות וואָלטן אָנגעקומען וואָלט די וועלט קיין קיום ניט געהאַט.
%
אַ קללה איז ניט קיין טעלעגראַם; זי קומט ניט אָן אַזוי גיך.
%
ניט מיט שעלטן און ניט מיט לאַכן קען מען די וועלט איבערמאַכן.
%
פֿון קינאה קריכן אַרויס די אויגן פֿון קאָפּ.
%
כּעס וחמה מאַכן אַ מענטשן פֿאַר אַ בהמה.
%
לא מיט אַן אַלף!
%
שענק מיר ניט קיין האָניק און גיב מיר ניט קיין ביס.
%
מאַך מיר ניט קיין לאָך אין קאָפּ און לייג מיר ניט צו קיין פֿלאַסטער.
%
אין דעם שפּיגל זעט איטלעכער זײַן בעסטן פרײַנד.
%
איין אַלטער פֿרײַנד איז בעסער ווי נײַע צוויי.
%
איין גוטער פֿרײַנד איז בעסער פֿון צען קרובֿים.
%
איטלעכס טעפּל געפֿינט זיך זײַן דעקל.‬
%
זיי האָבן זיך ביידע ליב: ער זיך און זי זיך.
%
ליבע מאַכט בלינד.
%
ניט פֿון אַ שיינער צורקע ווערט אַ גוט ווײַב.
%
ווײַבער זײַנען געבילדעט און קענען צוויי שפּראַכן: איינע פֿאַר דער חתונה און איינע נאָך דער חתונה.
%
אַ יונג ווײַבל איז ווי אַ שיין פֿייגעלע – מען מוז עס האַלטן אין שטײַגעלע.
%
אַ מאַן איז ווי אַן ענגער שוך: כאָטש ער דריקט, דאָך מוז אַ ווײַב אים טראָגן.
%
אַפֿריִער קען מען זיך ניט זאַט אָנקוקן, דערנאָך קען מען זיך ניט קוקן גלײַך אין די אויגן.
%
עס איז דורכגעלאָפֿן צווישן זיי אַ שוואַרצע קאַץ.
%
אַ טראָפּן ליבע ברענגט אַ מאָל אַ ים טרערן.
%
דאָס האַרץ איז ווי אַ זייגער.
%
דאָס האַרץ איז  אַ זייגער, אָבער מיט צעבראָכענע ווײַזערס.
%
אַז דער מאַן איז צו גוט פֿאַר דער וועלט איז ער שלעכט פֿאַרן ווײַב.
%
מיט האָניק קען מען כאַפּן מער פֿליגן ווי מיט עסיק.
%
גיי פּאַוואָליע, וועסטו גיכער קומען.
%
זוך ניט קיין פּגימה אויף דער זעג.
%
איין אויג האָט מער גלויבן ווי צוויי אויערן.
%
דער אמת קומט אַרויס ווי בוימל אויפֿן וואַסער.
%
ווענט האָבן אויערן.
%
תּכריכים האָבן ניט קיין קעשענעס.
%
אַז מען זיצט אין דער היים צערײַסט מען ניט קיין שטיוול.
%
אַלע שוסטערס גייען באָרוועס.‎
%
אַרבעט איז  קיין שאַנד.
%
שטיל וואַסער גראָבט טיף.
%
אַז דאָס האַרץ איז פֿול, גייען די אויגן איבער.
%
אַן אַלמנה איז אַ מיצװה צו קיצלען.
%
אַ מיצווה פֿון אַ חזיר אַ האָר אויסצורײַסן.
%
דער חזיר זאָל האָבן הערנער, וואָלט די וועלט קיין קיום ניט געהאַט.
%
ווען אַ חזיר זאָל האָבן הערנער, וואָלט ער איבערגעקערט די וועלט.
%
דער אייזל זאָל האָבן הערנער און דער אָקס וואָלט געוווּסט פֿון זײַן כּוח, וואָלט די וועלט קיין קיום ניט געהאַט.
%
דאָס גאַנצע לעבן איז אַ מלחמה.
%
אַ שלעכטער שלום איז בעסער ווי אַ גוטער קריג.
%
ווען אַלע מענטשן זאָלן ציִען אויף איין זײַט וואָלט זיך די וועלט איבערגעקערט.
%
די וועלט איז אַ גרויסע און ס'איז זיך ניטאָ וווּ אַהינצוטאָן.
%
די גאַנצע װעלט איז אײן שטאָט.
%
אַזוי לאַנג דער מענטש לעבט איז אים די גאַנצע וועלט צו קליין; נאָכן טויט איז אים דער קבֿר גענוג.
%
די וועלט איז שיין נאָר די מענטשן מאַכן זי מיאוס.
%
די וועלט איז קײַלעכדיק אַזוי ווי אַן איי.
%
די גאַנצע וועלט שטייט אויף דער שפּיץ צונג.